VOV4.Êđê - Ti anôk bruă khua lăn čar, Khua lăn čar Nguyễn Xuân Phúc mrâo drông čhưn leh hŏng Khua bi ala knŭk kna Ukraine Gaman Oleksandr lehanăn khua bi ala knŭk kna Canada Shawn Perry Steil ba mdah hră ngă bruă. Khua lăn čar Nguyễn Xuân Phúc mñă Việt Nam dlăng yuôm klei bi mguôp mâo leh mơ̆ng đưm hgŭm mbĭt kluôm dhuôm hŏng Ukraine. Khua bi ala knŭk kna Ukraine lač jăk kơ klei Khua lăn čar Nguyễn Xuân Phúc mâo leh mmông drông čhưn, lehanăn lač jăk kơ Việt Nam đru leh kơ phung ƀuôn sang Ukraine êjai găn klei dleh dlan.

Hlăm wưng kơ anăp, Khua bi ala srăng pioh lu hĭn mmông hiu čuă dŭm alŭ wăl ti Việt Nam kñăm mđĭ hĭn klei bi mguôp plah wah dua ala čar hlăm lu mta bruă. Drông čhưn khua bi ala knŭk kna Canada ti Việt Nam, Khua lăn čar mñă, Việt Nam lehanăn Canada mâo leh klei bi mguôp jăk siam, đĭ kyar hlăm lu bruă. Khădah dôk găn klei dleh dlan kyua klei ruă tưp Covid 19, bi mguôp bruă kđi čar klei bi mjĕ dua nah mâo mkŏ mjing jăk. Khua bi ala knŭk kna Canada lač, hlăm wưng ñu păn bruă srăng gĭr jih ai tiê mtrŭt klei bi mguôp dua ala čar./.

Y-Khem pô mblang