VOV4.Êđê- Mđing truh klei bi hdơr 75 thŭn Hruê phung kahan êka êkeh hđăp, phung êngiă asei, tlam 13/7, ti Anôk bruă khua lăn čar, Khua lăn čar Nguyễn Xuân Phúc bi tuôm hŏng phung bi ala Anôk bruă bi blŭ hrăm Êpul kahan hđăp kluôm ala Mặt trận Vị Xuyên - Hà Tuyên. Blŭ hrăm ti anôk bi tuôm, Khua lăn čar bi mklă, čar kwar, mnuih ƀuôn sang mpŭ nanao, hdơr nanao kơ phung jhŏng ktang, êngiă asei leh anăn phung lĭng kahan săn leh asei bi blah răng mgang čar kwar, đru mguôp mđĭ thiăm knhuah gru khăp kơ lăn čar, jhŏng ktang mnuih ƀuôn sang drei.

Khua lăn čar bi mni kơ klei gĭr ktưn đru mguôp, hgao klei dleh dlan mơ̆ng Êpul hgŭm leh anăn Anôk bruă kahan hđăp kluôm ala Mặt trận Vị Xuyên găn 6 thŭn mkŏ mjing. Hŏng hlăm brô 22 êbâo čô ngă bruă hlăm 44 êpul hgŭm alŭ wăl, anôk bruă, Êoul hgŭm amâo mdei mkra mđĭ kơ bruă mkŏ mjing leh anăn ngă bruă ƀrư̆ hruê ƀrư̆ lu jơr hĭn, klă sĭt hĭn, đru msir klei dưi dưn hdră êlan, kah mbha, bi đru, bi mđĭ ai hlăm klei hdĭp./.

Pô mblang: H’Zawut Ƀuôn Yă