VOV4.Êđê - Aguah 20/6, ti čar Bình Dương, Khua lăn čar Nguyễn Xuân Phúc - Khua Dhar bruă gĭt gai “Hdră bruă mkŏ mjing leh anăn bi leh Knŭk kna hdră bhiăn yang ƀuôn ngă phŭn Việt Nam truh thŭn 2030, tă hdră truh thŭn 2045” gĭt gai Klei bi kƀĭn mă klei blŭ mguôp mơ̆ng dŭm bruă đảng čar, bruă đảng ƀuôn prŏng krĭng nah Dhŭng hlăm hră čih Hdră bruă.

Dŭm bruă đảng čar, ƀuôn prŏng krĭng nah Dhŭng akâo hlăm hră čih Hdră bruă brei mâo hdră msir bi leh klei bhiăn mbha bruă, mbha gưl, mbha klei dưi plah wah gưl dlông leh anăn alŭ wăl klă mngač hĭn. Khua lăn čar Nguyễn Xuân Phúc bi mni kơ klei bi mguôp mơ̆ng dŭm bruă Đảng čar, ƀuôn prŏng đua klam, klă klơ̆ng, klă mngač, djŏ hŏng boh sĭt leh anăn mâo lu klei ksiêm hriăm mrâo. Khua lăn čar mñă klă leh 3 klei bi kƀĭn hŏng klei blŭ mguôp mơ̆ng 63 bruă Đảng čar, ƀuôn prŏng ƀrư̆ bi mklă bruă mkŏ mjing leh anăn bi leh knŭk kna hdră bhiăn Việt Nam ala ƀuôn ngă phŭn jing čiăng êdi, jing boh phŭn mơ̆ng klei mlih mrâo kđi čar ti ala čar drei mơ̆ng klei bi kƀĭn Đảng XIII bi mklă leh./.

H’ Zawut pô mblang