VOV4.Êđê- Tlam mmăt mbruê, 24/2 hluê mmông alŭ wăl, êdeh phiơr mdiăng Khua lăn čar Nguyễn Xuân Phúc leh anăn mô̆ gơ̆ mbĭt hŏng êpul bi ala gưl dlông Việt Nam truh leh ti tač êdeh phiơr Changi, kčưm hdră nao čuă ala čar Singapore. Tŭ drông Khua lăn čar, mô̆ gơ̆ leh anăn êpul bi ala ti tač êdeh phiơr, tĭng Singapore mâo khua phŭn bruă hŏng tač êngao

 Vivivan Balakrishnan, pô bi ala Singapore ti Việt Nam Jaya Ratnam. Tĭng Việt Nam mâo pô bi ala Việt Nam ti Singapore Mai Phước Dũng, phung knuă druh, phung mă bruă ti anôk bruă bi ala Việt Nam ti Singapore. Hlu si hdră, hlăm klei nao čuă, Khua lăn čar Nguyễn Xuân Phúc srăng mâo klei bi tuôm hŏng Khua mil čhil Halimah Yacob, bi tuôm hŏng Khua knŭk kna Singapore Lý Hiển Long, bi tuôm hŏng khua bruă kbĭn ala Singapore Tan Chuan-Jin. Dŭm klei bi tuôm gưl dlông anei kñăm mtrŭt mđĭ klei bi mguôp 2 ala čar mâo leh klei bi klă, bi trông kơ dŭm hdră êlan bi mguôp mrâo, bi kluôm êlam hĭn klei bi giăm bi mguôp hdră êlan Việt Nam – Singapore. Dŭm phŭn bruă, dhar bruă, knơ̆ng bruă 2 ala čar ăt srăng bi trông kơ dŭm hră mơar bi mguôp hlăm dŭm mta bruă msĕ si bruă duh mkra, mnia mblei, bruă lĭng kahan, bruă hâo hưn, klei kreh knhâo mrâo mrang.

Pô mblang: Y-Ƀel Êban