VOV4.Êđê - Khua lăn čar Nguyễn Xuân Phúc mrâo mâo leh mmông mă bruă hŏng Êpul khua kiă kriê bruă Đảng čar Hưng Yên. Blŭ hrăm gĭt gai ti anôk mă bruă, Khua lăn čar Nguyễn Xuân Phúc bi êdah dŭm klei găl, klei dưi mơ̆ng čar Hưng Yên, anăn jing mđing kơ krĭng dap mnai krông Hồng, lăn êa mbŏ čăt jing, hlăm hlăm krĭng ƀuôn prŏng phŭn, êlan klông jăk găl ênưih jăk kơ klei bi mnia mblei.

Hlăm hdră êlan kơ anăp, Khua lăn čar tŭ ư hŏng bruă Đảng čar hlăm klei hrŏng ruah 3 hdră êlan mđĭ kyar pral jing mkŏ mjing lehanăn kiă kriê djŏ hŏng klei čuăl mkă kơ čar, mđĭ kyar bruă nah gŭ, mjuăt bi hriăm knuă druh ngă bruă mâo klei thâo, hŏng hnơ̆ng kjăp. Mđĭ bruă duh mkra prŏng, ba wĭt ngăn prăk đĭ kơ knŭk kna, hjăn hlăm thŭn anei năng ai mâo truh 51 êbâo êklai prăk. Čiăng mâo ngă jăk bruă kčah čuăn, Khua lăn čar Nguyễn Xuân Phúc mtă kơ bruă Đảng čar Hưng Yên lehanăn jih jang bruă kđĭ čar mâo klei gĭr hĭn čiăng kơ jih jang êpul bruă Đảng, jih jang mnuih bi hlue ngă jăk./.

Y-Ƀel pô mblang