VOV4.Êđê- Ƀri bi hdơr 77 thŭn Hrue knhuah gru kahan ksiêm yang ƀuôn (19/8), hrue mbrue (18/8), khua lăn čar Nguyễn Xuân Phúc jing khua knơ̆ng kơ Êpul Gơ̆ng bruă răng mgang ala čar, lehanăn răng mgang klei êđăp ênang nao čuă lehanăn mă leh bruă hŏng Anôk bruă răng mgang klei êđăp ênang bruă duh mkra hlăm Phŭn bruă kahan ksiêm.

Bi ala kơ Đảng, knŭk kna Khua lăn čar Nguyễn Xuân Phúc mơĭt truh leh kơ jih jang khua kahan, knuă druh lĭng kahan hlăm êpul kahan ksiêm yang ƀuôn, lehanăn êpul kahan răng mgang klei êđăp ênang bruă duh mkra dŭm ai tiê klei khăơ jăk siam, lehanăn klei hơêč hmưi jăk yâo hĭn ƀri bi hdơr 77 thŭn hrue mkŏ mjing Êpul kahan ksiêm yang ƀuôn. Khua lăn čar nbi mni kơ êpul kahan anei pral hmao mă, lehanăn mghaih msir djăp mta klei amâo mâo jăk hlăm bruă duh mkra, êjai hlăm bruă ñu kma hŏng tač êngao, răng mgang kjăp hdră êlan mđĭ kyar bruă duh mkra pô, đru bi răng mgang klei êđăp ênang lăn čar./.

Pô mblang: Y-Ƀel Êban