VOV4.Êđê - Khua lăn čar Nguyễn Xuân Phúc mrâo mâo leh hră mơĭt bi mni kơ phung mâo ai tiê jhŏng kmlăn dŏng đru mnuih êa mă ti čar Nghệ An, lehanăn Hà Tĩnh. Khua lăn čar bi êdah ai tiê hdơr knga kơ NguyễnHữu Hiền, khua Êpul hgŭm kahan hđăp să Thanh Hòa, kdriêk Thanh Chương, čar Nghệ An lehanăn adei Nguyễn Văn Dương, dôk hriăm adŭ 8, sang hră gưl 2 Minh Lạc, kdriêk Cẩm Xuyên, čar Hà Tĩnh, kmlăn ai tiê amâo mâo huĭ kơ djiê pral kdâo hlăm êa leh ƀuh mâo mnuih êa mă, gĭr mđuĕ mnuih mngăt hlăm êa ba kơ hang, leh klei dŏng đru tal êlâo, čŏng ƀhur bi êwa lehanăn dưi dŏng hdĭp leh lu mnuih. Khua lăn čar bi myuôm ai tiê jhŏng kmlăn mơ̆ng Hiền lehanăn adei Dương, lehanăn yap anei jing gru bi hmô siam kơ klei jhŏng kmlăn, mâo ai tiê thâo khăp mơ̆ng djuê ana Việt Nam, năng mâo klei bi mni, lehanăn bruă ngă yuôm bhăn anei./.

   Y-Khem pô mblang