VOV4.Êđê - Truh leh mmông drei amâo lŏ guôn ôh klei mlih hlăm klei mĭn leh anăn hmao mlih jing bruă ngă čiăng hrăm mbĭt răng mgang klei hdĭp drei pô. Anei jing klei hâo hưn mơ̆ng Khua lăn čar Nguyễn Xuân Phúc mơĭt truh kơ knăm mtrŭt mjhar ala čar sa ai hŏng hruê êa jua tar rŏng lăn, hruê yan adiê tar rŏng lăn leh anăn hdră mmông boh lăn thŭn 2022 mâo leh phŭn bruă ngăn dŏ leh anăn wăl hdĭp mda mkŏ mjing aguah mbruê 23/3, ti Hà Nội. Hŏng akŏ anei, knăm mtrŭt mjhar ala čar sa ai hŏng hruê êa jua tar rŏng lăn, hruê yan adiê tar rŏng lăn leh anăn hdră mmông boh lăn thŭn anei mâo klei bi mguôp kjăp čiăng iêo mthưr klei uêñ mĭn mơ̆ng êpul êya yang ƀuôn čiăng mđĭ hĭn dŭm hdră êlan, klei ngă bruă djŏ guôp. Hlăm knăm mtrŭt mjhar, phŭn bruă ngăn dŏ leh anăn wăl hdĭp mda mđup brei leh klei pah mni klei bi lông “Yan adiê hlăm adei” kơ phung hđeh sang hră gưl 2 leh anăn gưl 3 hlăm kluôm ala.

Y-Ƀel pô mblang