VOV4.Êđê - Aguah mbrue (29/3), Khua lăn čar Nguyễn Xuân Phúc lehanăn êpul ngă bruă nao ksiêm dlăng dŭm anôk bi hmô bruă duh mkra êpul hgŭm mâo klei tŭ jing hlăm bruă lŏ hma ti ƀuôn prŏng Sa Đéc, lehanăn kdriêk Tháp Mười, čar Đồng Tháp. Leh hmư̆ klei hâo mdah, Khua lăn čar Nguyễn Xuân Phúc bi myuôm jih jang hdră bi hmô mđĭ kyar bruă duh mkra êpul hgŭm hlăm bruă lŏ hma, bi mguôp bruă lŏ hma hŏng bruă hiu čhưn ênguê, mâo wăt mnơ̆ng pioh čhĭ kơ ala tač êngao, ba wĭt klei tŭ dưn prŏng.

Nao čuă anôk duh mkra pla mjing Mỹ Đông 2 ti kdriêk Tháp Mười, Khua lăn čar Nguyễn Xuân Phúc bi myuôm dŭm klei hgŭm bruă mâo leh klei tŭ jing, boh nik bruă dưn yua klei kreh knhâo hlăm klei ngă bruă, mkiêt mkriêm hlăm klei bi liê, răng mgang wăl hdĭp mda, lehanăn tĭng mkă kơ klei tŭ dưn hĭn hlăm bruă knuă. Êpul hgŭm mâo ngă leh jăk jih jang bruă tui duah anôk čhĭ mnia, mđĭ hĭng klei bi mguôp hŏng phung duh mkra đru kơ klei čhĭ braih kơ ala tač êngao. Khua lăn čar bi lač, anei jing dŭm klei bi hmô mâo kdriêk Tháp Mười lehanăn čar Đồng Tháp năng bi lar./.

Y-Khem pô mblang