VOV4.Êđê- Tlam mbrue (16/2), Khua lăn čar Nguyễn Xuân Phúc nao čuă, mđup brei mnơ̆ng lehanăn bi blŭ hrăm hŏng phung khua kiă kriê, mnuih ngă bruă hlăm knơ̆ng bruă kar mkra êa pui Bình Sơn, Quảng Ngãi. Mâo klei mơak dưi nâo čuă sang kar mkra êa pui Dung Quất, ƀuh klei tŭ dưn bruă duh mkra mnia mblei mơ̆ng knơ̆ng bruă Bình Sơn amâo mâo mdei dưi đĭ kyar, hng klei ngă bruă klă mngač.

Mơ̆ng anăn, knơ̆ng bruă mâo hnơ̆ng hrui wĭt êgao kơ 44%, djăp ênoh čuăn kơ prăk mnga leh ênŭm tuh jia, lehanăn mâo klei tŭ dưn mlih mrâo hlăm klei mbruă. Khua lăn čar ăt mtă kơ phung khua kiă kriê čar Quảng Ngãi mđing uêñ mjing djăp klei găl, mâo hdra êlan bi hơĭt mnuih ngă bruă dưi mă bruă hlăm knơ̆ng bruă Bình Sơn./.

Pô mblang: Y-Khem Niê