VOV4.Êđê - Ƀri bi hdơr 53 thŭn hrue Khua gĭt gai Hồ Chí Minh wĭt hŏng aê aduôn atâo atiêt, lehanăn 53 thŭn hlue ngă asăp khua gĭr gai Hồ Chí Minh mtă, aguah mbrue (14/8), Khua lăn čar Nguyễn Xuân Phúc kiă kriê leh knăm čuh brui mngưi bi hdơr kơ Khua gĭt gai Hồ Chí Minh.

Ti sang yang Khua gĭt gai Hồ Chí Minh ti čŏng čư̆ Vua, Čư̆ Ba Vì, ƀuôn prŏng Hà Nội, jing čư̆ yuôm bhăn mơ̆ng anak mnuih Việt Nam, Khua lăn čar Nguyễn Xuân Phúc, Khua Bruă kƀĭn ala êlâo dih Nguyễn Sinh Hùng, mbĭt hŏng phung khua kiă kriê, khua gĭt gai Đảng, knŭk kna êlâo dih, mbĭt hŏng dŭm phŭn dhar bruă, alŭ wăl lehanăn phung bi ala djuê Nguyễn Sinh, djuê Hoàng Xuân ti Kim Liên, kdriêk Nam Đàn, čar Nghệ An bi ala brei leh kơ jih jang mnuih kluôm ala ngă klei čuh brui mngưi, mđup mnga bi hdơr nanao kơ khua gĭt gai Hồ Chí Minh, tui si klei bhiăn djuê ana. Bi hdơr 53 thŭn Hrue khua gĭt gai Hồ Chí Minh djiê, lehanăn 53 thŭn hlue ngă klei Ñu mtă, anei jing wưng čiăng kơ kluôm Đảng, jih jang phung ƀuôn sang lehanăn lĭng kahan hdơr knga kơ ai tiê duh mĭn prŏng prĭn hŏng djuê ana Việt Nam./.

Y-Khem pô mblang