VOV4.Êđê- Aguah mbrue (18/1), hlăm klei mă bruă ti čar An Giang, Khua lăn čar Nguyễn Xuân Phúc nao čuh leh brui mngưi bi hdơr kơ khua gĭt gai Tôn Đức Thắng ti Mỹ Hoà Hưng, ƀuôn prŏng Long Xuyên. Khua lăn čar Nguyễn Xuân Phúc lehanăn êpul ngă bruă hŏng klei mpŭ čuh brui mngưi, mđup dưm mnga bi hdơr kơ Khua gĭt gai Tôn Đức Thắng, sa hlăm phung krŭ kdơ̆ng tal êlâo mơ̆ng bruă mnuih ngă bruă lehanăn êpul bruă cách mạng vô sản Việt Nam, jing mnuih duh mĭn leh jih klei hdĭp kơ bruă cách mạng djuê ana yang ƀuôn êngiê. Khua gĭt gai Tôn Đức Thắng kkiêng thŭn 1888 – djiê thŭn 1980) jing khua lăn čar tal dua lehanăn jing pô knhal tuič mơ̆ng Việt Nam Dân chủ Cộng Hoà, lehanăn êdei anei jing khua lăn čar Cộng hoà xã hội chủ nghiã Việt Nam. Khua gĭt gai Hồ Chí Minh bi mni kơ ñu “Jing klei bi hmô jăk kơ knhuah cách mạng, jih klei hdĭp ênuah ênô, jih ai tiê kơ bruă cách mạng, duh mĭn kơ phung ƀuôn sang”./.