VOV4.Êđê- Mmăt mbruê 30/6, ti kdriêk Ba Tri, čar Bến Tre mkŏ mjing leh knăm bi hdơr 200 thŭn hruê k’kiêng kơ Nguyễn Đình Chiểu, 30 thŭn hruê knhuah dhar kreh čar Bến Tre. Nao hlăm knăm bi hdơr, Khua lăn čar Nguyễn Xuân Phúc lač klă, Nguyễn Đình Chiểu dưi găn hgao klei lông dlăng, klei dleh kpăk hlăm klei hdĭp, jing sa čô nai mdrao êdah êdi, sa čô nai jih ai, sa čô čih klei duê ba anăp hlăm bruă bi kdơ̆ng hŏng phung plah mmiă.

Khua lăn čar hơ̆k mơak kyua ƀuh klei mlih mrâo, klei đĭ kyar hlăm bruă duh mkra – ala ƀuôn, boh nik jing giăm anei bruă Đảng čar Bến Tre mâo leh lu klei gĭr găn klei dleh dlan, iêo mthưr lu ai dưi duh bi liê kơ klei đĭ kyar, lu bruă mkŏ mkra, hdră mkăp dôk dưi mkŏ mjing msĕ si kban Rạch Miễu 2, dŭm hdră mkŏ mkra bi êran pui kmlă hŏng angĭn… Lu mta bruă pŏk kčưm mrâo hlăm bruă duh mkra dôk mkŏ mjing ti ƀuôn sang Đồ Chiểu, đru mguôp hlăm dŭm boh tŭ mbĭt kluôm ala.

Pô mblang: Y-Ƀel Êban