VOV4.Êđê- Mmăt mbruê, Bruă Đảng leh anăn mnuih ƀuôn sang kdriêk Quế Sơn, čar Quảng Nam kdrưh kơăm mkŏ mjing knăm bi hdơr 50 thŭn hruê klei dưi Cấm Dơi, čar Quảng Nam. Nao hlăm knăm anăn mâo Khua lăn čar Nguyễn Xuân Phúc, khua gĭt gai čar Quảng Nam, wăl kahan 5, kdriêk Quế Sơn, phung amĭ Việt Nam jhŏng ktang, lĭng kahan, phung khua kahan, lĭng kahan hđăp, dŭm gŏ sang mâo bruă tŭ dưn, mnuih ƀuôn sang kdriêk Quế Sơn.

50 thŭn êlâo, mbĭt hŏng klei bi blah leh anăn krŭ krơ̆ng mơ̆ng lĭng kahan leh anăn mnuih ƀuôn sang krĭng kwar Dhŭng, ti gŭ klei gĭt gai mơ̆ng Đảng, klă anăp jing wăl kahan 5 leh anăn bruă Đảng čar Quảng Nam, lĭng kahan wăl kahan 5 leh anăn lĭng kahan alŭ wăl hrăm mbĭt hŏng phung knuă druh, lĭng kahan Sư đoàn 711, Tiểu đoàn wăl kahan 5, jhŏng ktang bi blah, mkŏ mjing dŭm klei hing ang, ti rai kdrăn mblah Cấm Dơi, sau wĭt klei êngiê Quế Sơn, đru dưi saui wĭt klei êngiê čar Quản Nam. Bi lar knhuah gru jhŏng ktang, jih ai bi kdơ̆ng hŏng phung roh, dŭm thŭn êgao, bruă Đảng Quế Sơn gĭt gai mnuih ƀuôn sang dưi mâo lu boh tŭ yuôm bhăn. Mđĭ kyar bruă duh mkra leh anăn hơĭt, mkŏ wĭt bruă duh mkra hluê êlan kjăp.

Pô mblang: Y-Ƀel Êban