VOV4.Êđê- Aguah mbrue (19/5), ti anôk bruă Phŭn bruă lĭng kahan, Khua lăn čar Nguyễn Xuân Phúc nao ti anôk mđup brei klei pah mni Hồ Chí Minh kơ klei kreh knhâo, kdrăp bruă lĭng kahan. Bi ala kơ phung khua kiă kriê Đảng, knŭk kna, Khua lăn čar Nguyễn Xuân Phúc mđup brei leh Hră tŭ yap klei pah mni kơ phung kreh knhâo, mbĭt hŏng pô mkra mjing djăp mta bruă kreh knhâo anăn mâo mă klei pah mni.

Khua lăn čar mñă, dua mta bruă hlăm lĭng kahan mâo 49 čô pô mâo mă klei pah mni Hồ Chí Minh tal anei jing mâo ênoh tŭ dưn prŏng êdi jing boh mơ̆ng klei ksiêm duah, duh myơr ai tiê klei mĭn mơ̆ng phung kreh knhâo bruă lĭng kahan. Dua mta bruă mâo leh Êpul bruă tuh tia dăng kông êlan kbưi lĭng kahan pô ngă hŏng lu êpul phung kreh knhâo hlăm Êpul grŭp anei mbĭt hŏng lu phung knuă druh mda asei, mâo mjuăt bi hriăm leh êlam, mbĭt hŏng jih jang phung khua kiă kriê mă leh bruă hŏng klei kjăp mơ̆ng anôk bruă kiă kriê bruă Đảng kahan, Phŭn bruă lĭng kahan, mâo klei đru mơ̆ng dŭm anôk bruă êpul êya hlăm lĭng kahan./.

Pô mblang: Y-Khem Niê