VOV4.Êđê - Aguah mbrue (21/4), ti Hà Nội, Khua lăn čar Nguyễn Xuân Phúc mâo leh mmông ngă bruă hŏng Êpul hgŭm phung khua kiă kriê bruă mgang kđĭ Việt Nam. Khua lăn čar bi mni, lehanăn bi myuôm bruă tŭ mơ̆ng Êpul hgŭm phung mgang kđi Việt Nam, kơ dŭm boh tŭ dưn leh mâo, lehanăn bi klă, Đảng, knŭk kna mâo nanao klei uêñ mđing kơ êpul bruă lehanăn jih jang bruă ngă mơ̆ng êpul hgŭm.

Khua lăn čar čang hmăng, kluôm Đảng, jih jang bruă Êpul khua kiă kriê bruă hgŭm phung mgang kđi Việt Nam lŏ dơ̆ng mđing kiă kriê dŭm gưl hlue ngă hdră êlan mơ̆ng Đảng, boh nik asăp mtrŭn mrô 56 mơ̆ng Phŭn bruă kđi čar, mđĭ hĭn bruă klam mơ̆ng êpul bruă truăn kơ bruă kđi čar anei, rơ̆ng mâo hlue ngă djŏ hŏng mta kñăm čuăn. Khua lăn čar ăt mtă kơ Êpul hgŭm phung mgang kđi lŏ dơ̆ng mđĭ hĭn bruă hâo hưn hdră êlan mơ̆ng Đảng, hdră bhiăn knŭk kna kơ jih jang ƀĭng hgŭm lehanăn phung ƀuôn sang, mâo klei thâo mpŭ kơ hdră bhiăn, hlue gưt klei bhiăn./.

Y-Khem pô mblang