VOV4.Êđê- Tlam mbruê 24/8, ti sang bruă Khua lăn čar, Khua lăn čar Nguyễn Xuân Phúc tŭ drông leh phung bi ala Êpul hđeh êdam êra, Đảng yang ƀuôn êngiê Japon mơ̆ng Hạ Nghị sĩ Suzuki Norikazu leh anăn Thượng Nghị sĩ Sato Kei, jing 2 čô khua Êpul bruă hđeh êdam êra Đảng yang ƀuôn êngiê Japon ba anăp dôk mă bruă ti Việt Nam.

Hlăm mmông tŭ drông, Khua lăn čar Nguyễn Xuân Phúc yap yuôm bhăn leh anăn mpŭ mni kơ phung khua êmua mda asei Đảng yang ƀuôn êngiê Japop mtrŭt mđĭ klei bi mguôp Việt Nam – Japon, boh nik jing klei đăo knang bruă kđi čar, bi trông êpul gưl dlông leh anăn dŭm gưl. Khua lăn čar mñă kơ Japon lŏ dơ̆ng đru, bi mguôp hŏng Việt Nam hlăm lu mta bruă, mtrŭt mđĭ klei đĭ kyar bruă duh mkra wưng êdei klei ruă tưp, boh nik hlăm bruă duh bi liê, mnia mblei, ODA ênuk mrâo, mlih mrâo klei ngă bruă, mlih mrô leh anăn mlih mtah.

Pô mblang: Y-Ƀel Êban