VOV4.Êđê- Tlam mbruê 17/8, ti sang bruă Khua lăn čar, Khua lăn čar Nguyễn Xuân Phúc tŭ drông leh Khua knŭk kna hđăp Israel Ehud Barak, dôk mâo klei hriê čuă, mă bruă ti Việt Nam. Khua lăn čar Nguyễn Xuân Phúc bi mni kơ Ehud Barak leh anăn mô̆ gơ̆ hriê čuă ala čar Việt Nam leh anăn brei thâo, Việt Nam hmăng hmưi bi mguôp hŏng Israel hlăm dŭm mta bruă mâo klei găl msĕ si klei mlih mrâo hŏng klei mbruă, klei kreh knhâo mrâo mrang, pui kmlă doh. Hruê mmông kơ anăp, Khua lăn čar mñă kơ 2 tĭng rơ̆ng dŭm klei bi tuôm gưl dlông, bi sa ai hdơ̆ng pô hlăm dŭm klei kƀĭn, êpul êya tar rŏng lăn. Khua lăn čar hmăng hmưi, hŏng bruă klam leh anăn klei hmăi mơ̆ng pô, Khua knŭk kna hđăp Israel srăng lŏ mtrŭt mđĭ hĭn klei bi hgŭm jăk siam plah wah 2 ala čar, boh nik hlăm bruă kah mbha klei thâo mkŏ mjing hdră čô̆ kơ bruă, mđĭ kyar klei kreh knhâo mrâo mrang, mlih mrâo hŏng klei mbruă, mtô mjuăt ênuk mda asei.

Pô mblang: Y-Ƀel Êban