VOV4.Êđê - Tlam mbruê, ti sang bruă Khua lăn čar, Khua lăn čar Nguyễn Xuân Phúc tŭ drông leh khua phŭn bruă hŏng tač êngao Greek Nikolaos Dendias, ƀri wưng hriê čuă ala čar Việt Nam. Khua lăn čar hơ̆k mơak kyua gưl hruê čuă tal êlâo mơ̆ng Nikolaos Dendias hŏng bruă klam jing khua phŭn bruă hŏng tač êngao Greek, mbĭt anăn, đăo knang klei hriê čuă anei srăng đru mtrŭt mđĭ klei bi hgŭm, knhuah gru jăk siam plah wah 2 ala čar Việt Nam leh anăn Greek.

Khua lăn čar ăt bi êdah klei lač jăk kơ ala čar Greek đru leh kơ Việt Nam 50.000 Euro mơ̆ng Greek mkăp brei kơ dhar bruă Olympic Việt Nam leh anăn 250.000 hnơ̆ng vaccine gang mkhư̆ klei ruă tưp Covid-19 wưng knhal jih thŭn 2021. Khua lăn čar brei thâo, Việt Nam rơ̆ng nanao klei khăp jăk siam mbĭt hŏng klei đru yuôm bhăn mơ̆ng Greek kơ Việt Nam hlăm bruă krŭ kdơ̆ng sua wĭt klei êngiê, hluh hlir ala čar, ăt msĕ hŏng bruă mkŏ mjing leh anăn mđĭ kyar ala čar ară anei.

Y-Ƀel pô mblang