VOV4.Êđê- Hruê mbruê 5/8, ti sang bruă Khua lăn čar, Khua lăn čar Nguyễn Xuân Phúc tŭ rông leh pô bi ala Dhŭng Afrĭk Vuyiswa Tulelo, Pô bi ala Saudi Arabia Mohammed Ismaeil A.Dahlwy, pô bi ala Belgium Karl Hendrik Margareta Van Den Bossche hriê ba hră hưn mdah. Tŭ drông pô bi ala Dhŭng Afrĭk, aduôn Tulelo, Khua lăn čar mñă klă, Việt Nam bi klă Dhŭng Afrĭk jing ƀĭng hgŭm bi mguôp leh anăn mđĭ kyar yuôm bhăn.

Khua lăn čar hmăng hmưi 2 tĭng lŏ dơ̆ng bi mguôp leh anăn bi sa ai hlăm dŭm klei kƀĭn lu tĭng. Việt Nam mprăp sa ai hŏng Dhŭng Afrĭk mđĭ hĭn klei bi mguôp hŏng ASEAN, hmăng hmưi Dhŭng Afrĭk sa ai leh anăn bi mguôp hŏng hlăm bruă mtrŭt mđĭ klei bi mguôp Việt Nam – Afrĭk hlăm Êpul hgŭm Afrĭk. Tŭ drông pô bi ala Saudi Arabia Mohammed Ismaeil A.Dahlwy, Khua lăn čar Nguyễn Xuân Phúc mñă klă, hŏng Việt Nam, Saudi Arabia jiong sa hlăm dŭm ƀĭng hgŭm brưa duh mkra, mnia mblei, duh bi liê tal êlâo ti krĭng Msăt lăn leh anăn hmăng hmưi pô bi ala srăng mtrŭt mđĭ bruă duh mkra kơ 2 tĭng hĭn.

Pô mblang: Y-Ƀel Êban