Khua lăn čar Tô Lâm mâo klei êmuh hrăm mnuih ƀuôn sang, mnă klă Đảng, knŭk kna mâo nanao klei uêñ mĭn kơ mnuih ƀuôn sang drei dôk ti lăn čar tač êngao, sa kdrêč amâo mâo dưi kƀah hlăm klei bi mguôp djuê ana, hlăm anăn mâo mnuih Việt Nam ti Lào, hmăng hmưi mnuih ƀuôn sang bi mguôp, hluê ngă hdră bhiăn ti ala čar pô dôk. Khua lăn čar yap yuôm bhăn ai tiê khăp kơ lăn čar leh anăn dŭm klei đru mguôp yuôm bhăn mơ̆ng diñu hlăm bruă mkŏ mjing leh anăn răng mgang lăn čar.

Khua lăn čar ăt mnă dŭm anôk bruă bi ala Việt Nam ti Lào lŏ dơ̆ng ngă jăk bruă đru kơ mnuih Việt Nam ti ala tač êngao, boh nik jing kriê dlăng, đru kơ mnuih ƀuôn sang ñu kma leh anăn ngă jăk bruă bi kjăp, bi mguôp êpul êya, ăt msĕ mơh bi kjăp klei bi mguôp plah wah mnuih ƀuôn sang leh anăn lăn čar.