Khua lăn čar bi êdah klei mơak ti anăp dŭm klei đĭ kyar mơ̆ng klei bi mguôp kluôm dhuôm Việt Nam - New Zealand wưng leh êgao. Khua lăn čar bi mni klei bi hgŭm kjăp bruă lĭng kahan plah wah dua ala čar, mâo klei bi jưh knang mbĭt, mơak ƀuh klei đĭ kyar jăk hlăm klei hgŭm duh mkra mnia mblei, lač jăk kơ New Zealand đru leh hlăm bruă mjuăt bi hriăm klei blŭ Angle, lehanăn bi hriăm mbŏ knuă druh knơ̆ng gưl dlông lehanăn alŭ wăl mơ̆ng Việt Nam.

Khua lăn čar čang hmăng kơ knŭk kna New Zealand lŏ dơ̆ng đru kơ mnuih Việt Nam dôk hriăm lehanăn mă bruă ti New Zealand. Khua bi ala Caroline Beresford bi êdah klei mơak mâo ngă leh bruă ti lăn čar Việt Nam. Khua bi ala tŭ ư lač, thŭn 2025 jing mmông găl kơ dua ala čar hyuă kjăp hĭn, lehanăn lŏ mtrŭn agha êlam klei bi hgŭm Việt Nam - New Zealand.