Khua lăn čar bi mklă, Việt Nam dlăng myuôm klei đĭ kyar bi hgŭm hŏng China jing klei ruah, klei mđing mrô sa hlăm hdră êlan kluôm, lu tĭng, lu jơr klei bi hgŭm mơ̆ng Việt Nam. Hlăm wưng kơ anăp, Khua lăn čar čang hmăng dua tĭng bi hgŭm kjăp hĭn hlăm dŭm mta bruă phŭn msĕ si: mđĭ lar bruă mjĕ êrô, bi tuôm gưl dlông leh anăn dŭm gưl, pŏk ngă tŭ dưn klei bhiăn bi hgŭm; mđĭ ktang leh anăn mđĭ boh tŭ bi hgŭm hlăm dŭm mta bruă, mđĭ mkŏ êlan êdeh treng mơ̆ng knông lăn leh anăn bi hgŭm mđĭ kyar dŭm êlan êdeh treng djăp hnơ̆ng čuăn ti dŭm čar nah Dưr Việt Nam; mtă kơ China lŏ dơ̆ng pŏk mlar anôk ba čhĭ kơ mnơ̆ng dhơ̆ng lŏ hma, kan hdang, boh kroh, kđeh čĭm  hlô mnơ̆ng, mnŭ da Việt Nam.

Mđing kơ gru krăl knăl yuôm bhăn thŭn 2025, gưl bi hdơr 75 thŭn mkŏ mjing klei bi hgŭm Việt Nam - China, Khua lăn čar Tô Lâm mtă kơ dua tĭng gĭr mđĭ klei bi hgŭm dua nah ti hnơ̆ng mrâo, klă sĭt, tŭ dưn hĭn.