Khua lăn čar Tô Lâm hơêč hmưi kơ pô bi ala mâo leh wưng păn bruă tŭ jing ti Việt Nam; bi mni kơ ñu mâo leh klei đru mguôp jăk hlăm bruă mđĭ klei bi hgŭm Việt Nam- Sweden. Khua lăn čar mñă klă, Knŭk kna leh anăn mnuih ƀuôn sang Việt Nam amâo wơr ôh leh anăn mpŭ nanao klei bi hgŭm, klei nao ai leh anăn klei đru yuôm bhăn, bi êdah klei bi mguôp Ala mtao, Knŭk kna leh anăn mnuih ƀuôn sang Sweden brei leh kơ Việt Nam hlăm klei bi blah mtlaih êngiê hluh lir lăn čar êlâo dih leh anăn hdră mkŏ mjing, mđĭ kyar lăn čar hruê anei.

Khua lăn čar bi mni kơ dŭm anôk bruă duh mkra Sweden mđĭ klei duh bi liê hlăm Việt Nam hlăm dŭm bruă Sweden mâo klei găl msĕ si anôk bruă nah gŭ, êlan klông dŭ msiăng, êa pui êwa čuh mkra mjing, čuăl mkă ƀuôn prŏng, đĭ kyar hơĭt kjăp…