Khua Mặt trận Lào mkŏ mkra ala čar Xỉn-la-vông Khút-phay-thun bi êdah klei mơak dưi bi tuôm hŏng Khua lăn čar Tô Lâm. Xỉn-la-vông Khút-phay-thun mñă srăng bi hgŭm kjăp hŏng Anôk bruă Mặt trận gưl dlông Việt Nam lehanăn mđing đru, mjing klei găl kơ mnuih Việt Nam hdĭp, mă bruă ti Lao.

Khua lăn čar Tô Lâm hơêč hmưi kơ dŭm boh tŭ mâo Đảng, Knŭk kna lehanăn mnuih ƀuôn sang Lao, Anôk bruă măt trận mkŏ mkra ala čar Lao dưi mâo hlăm wưng êgao, đăo knang hŏng klei kiă kriê mơ̆ng Đảng mnuih ƀuôn sang Cách mạng Lào, srăng dưi mkŏ mkra ala čar Lao đĭ kyar hĭn. Ăt hlăm hruê 11/7, Khua lăn čar Tô Lâm drông leh Khua kiă kriê Êpul hgŭm bi mjĕ mjuk Lào-Việt Nam Bò-viêng-khăm Vông-đa-la (Boviengkham Vongdala) lehanăn phung khua hlăm Êpul. Khua ln čar ăt mtă kơ Êpul hgŭm bi mjĕ mjuk Lào - Việt Nam lŏ bi hgŭm kjăp hŏng anôk bruă djŏ tuôm mơ̆ng Lao đru mjing klei găl kơ mnuih Việt Nan, dôk hdĭp, mă bruă ti Lao, đru mguôp mkŏ mkra lăn čar Lao ƀrư̆ hruê ƀrư̆ đĭ kyar./.