Ti anôk drông, asei khua phŭn bruă hŏng tač êngao Blinken bi êdah klei hnĭng kơ khua gĭt gai mbruă mâo leh dŭm klei đru mguôp prŏng hlăm klei lŏ bi ksul mbŭ klei thâo bi mguôp plah wah Việt Nam – Mi lehanăn klei bi hgŭm dua ala čar. Khua lăn čar lač jăk kơ khua phŭn bruă hŏng tač êngao Blinken truh ti Việt Nam čiăng nao čang lehanăn mâo klei bi juh hŏng găp djuê Khua gĭt gai, êjai dôk hlăm klei ênguôt hnĭng anei.

Khua phŭn bruă hŏng tač êngao Blinken lač, Mi dlăng klei bi mguôp kluôm dhuôm hŏng Việt Nam lehanăn čang hmăng kơ dua nah lŏ mâo klei hgŭm kjăp hĭn, lehanăn mâo klei bi jưh kang mđĭ hĭn klei bi mguôp Việt Nam-Mi mâo klei đĭ kyar, klei bi mguôp mnuih ƀuôn sang dua ala čar djŏ tui si klei khua gĭt gai Đảng Nguyễn Phú Trọng hmăng hmưi.