Khua lăn čar Tô Lâm drông K’iăng Khua Knơ̆ng bruă Ơ Rôp Josep Borrell Fontelles
Thứ tư, 10:29, 31/07/2024
VOV Tây Nguyên
VOV Tây Nguyên
VOV4.Êđê- Hruê 30/7, ti Anôk bruă Khua lăn čar, Khua lăn čar Tô Lâm drông K’iăng Khua Knơ̆ng bruă Ơ Rôp (EC), Bi ala gưl dlông mơ̆ng Êpul hgŭm Ơ Rôp kơ Hdră êlan hŏng tač êngao leh anăn klei êđăp ênang, Borrell Fontelles, dôk hriê čhưn ti Việt Nam.
Khua lăn čar bi mklă EU jing ƀĭng hgŭm yuôm bhăn snăk hŏng Việt Nam; tuŭ ư ƀuh klei bi hgŭm plah wah Việt Nam hŏng EU hlăm wưng êgao đĭ kyar jăk, bi êdah hlăm bruă dua tĭng mđĭ bi trông êpul, bi tuôm gưl dlông; pŏk ngă tŭ dưn lu klei kuôl kă leh anăn klei bhiăn bi hgŭm, bi blŭ hrăm. Khua lăn čar mtă kơ dua tĭng lŏ dơ̆ng bi trông êpul. Boh nik gưl dlông; pŏk ngă tŭ dưn Klei kuôl kă bi hgŭm kluôm Việt Nam – EU, Klei kuôl kă EVFTA ăt msĕ mơh dŭm klei bhiăn bi hgŭm mkăn.
Khua lăn čar ăt mtă kơ EU mđĭ kơ dŭm ala čar adôk hnưm bi mkla Klei kuôl kă Răng mgang bi liê Việt Nam-EU; lŏ dơ̆ng mđĭ lar ODA kơViệt Nam; mđĭ ktang bi hgŭm kơ klei êđăp ênang hlăm internet, êa ksĭ, gang mkhư̆ klei yan adiê ngă.
Viết bình luận