Khua lăn čar Tô Lâm hơêč hmưi Kohdayar Marri dưi ruah ngă Pô bi ala kluôm mơ̆ng Pakistan ti Việt Nam. Khua lăn čar lač klă, Việt Nam bi myuôm klei bi mjĕ hŏng Pakistan, sa ala čar mâo hdră kđi čar yuôm bhăn ti krĭng India – Pacifik, đăo knang Pakistan srăng maoa lu klei đru mguôp yuôm bhăn kơ klei êđăp ênang, hơĭt kjăp ti krĭng wăl.

Drông pô bi ala Mozambique Ilundi Dos Santos, Khua lăn čar Tô Lâm mñă klă Việt Nam bi mni lehanăn čiăng mđĭ hĭn klei bi mjĕ jăk siam hŏng Mozambique, sa hlăm dŭm ƀĭng hgŭm bruă mrô sa mơ̆ng Việt Nam ti krĭng Afrĭk. Drông pô bi ala Timor-Leste Leste João pereira, Khua lăn čar Tô Lâm brei thâo, khădah bruă mnia mblei dua nah amâo lu, ƀiădah klei găl mâo hlăm hdră bi hgŭm dôk prŏng, hlăm anăn mâo hdră bi hgŭm hlăm bruă lŏ hma, dăng kông, mjuăt bi hriăm, êwa čuh… Khua lăn čar mtă kơ phung bi ala hlăm wưng păn bruă mơ̆ng pô bi hgŭm kjăp hĭn hŏng dŭm phŭn, dhar bruă, êpul êya mơ̆ng Việt Nam kñăm mtrŭt mđĭ klei bi mjĕ dua ala čar./.