Ti knăm anei, Khua lăn čar mñă klă, Việt Nam lehanăn India mâo klei bi mjĕ jăk siam mâo leh Khua kiă kriê lehanăn mnuih ƀuôn sang dua ala čar jih ai tiê ksŭl mbŭ, ară anei jing leh Ƀĭng hgŭm phŭn kluôm mâo bruă klam yuôm bhăn hlăm hdră hŏng tač êngao dua nah.

Pô bi ala mñă srăng lŏ mtrŭt mđĭ klei bi mjĕ dua ala čar, êlâo hĭn jing mkŏ mjing hdră bi tuôm gưl dlông hlăm wưng ti anăp, bi êlam hĭn hdră bi hgŭm bruă lĭng kahan, duh mkra – mnia mblei, kdrăp mrâo, kreh dhar – hiu čhưn ênguê lehanăn pŏk mlar dŭm bruă mrâo. Bi trông kơ bruă hlăm krĭng lehanăn tar rŏng lăn, Khua lăn čar mtă kơ dua ala čar lŏ bi hgŭm kjăp hĭn ti anôk bi kƀĭn trông lu tĭng, đru mguôp hlăm bruă bi kjăp klei êđăp ênang, hơĭt kjăp lehanăn đĭ kyar ti krĭng Asi – Pacifik.