Khua lăn čar Tô Lâm gĭt gai klei kƀĭn tal 3 Êpul gĭt gai ksiêm wĭt 40 thŭn mlih mrâo
Thứ năm, 10:38, 13/06/2024
VOV Tây Nguyên
VOV Tây Nguyên
VOV4.Êđê - Aguah mbruê 12/6, Khua lăn čar Tô Lâm gĭt gai klei kƀĭn tal 3 Êpul gĭt gai ksiêm wĭt đa đa boh klei hlăk mblang leh anăn boh sĭt kơ klei mlih mrâo hluê êlan yang ƀuôn ngă phŭn hlăm 40 thŭn ti Việt Nam.
Hluê si klei bi klă mơ̆ng Phŭn bruă kđi čar kơ bruă bi ênŭm mnuih mă bruă Êpul gĭt gai, Tô Lâm, Khua lăn čar nao hgŭm leh anăn ngă Khua êpul.
Khua lăn čar Tô Lâm mñă ktang, găn 14 mlan ngă bruă, Êpul gĭt gai ngă leh lu mta bruă, mñă kơ kơ Êpul gĭt gai dlăng kơ hdră bhiăn, hưn mdah boh tŭ mơ̆ng dŭm Êpul, klei blŭ mguôp mơ̆ng phŭn bruă kđi čar, mơ̆ng Klei kƀĭn trông gưl dlông 9 čiăng ksiêm duah dŭm boh klei mrâo mơ̆ng boh sĭt hlăm lăn čar leh anăn tar rŏng lăn, čiăng dưn yua mbruă hlăm klei mlih mrâo lăn čar. Mñă ktang anei jing bruă yuôm bhăn, Khua lăn čar Tô Lâm hmăng hmưi phung khua gĭt gai hlăm êpul bi lar bruă klam čiăng bi leh djăp mta bruă mâo bruă Đảng gưl dlông, Phŭn bruă kđi čar leh anăn Khua gĭt gai Đảng Nguyễn Phú Trọng jao leh.
Viết bình luận