Tŭ klei iêo jak mơ̆ng Khua lăn čar Tô Lâm, Khua mil čhil Timor Leste José Ramos-Horta hriê leh ti ƀuôn prŏng phŭn Hà Nội, kčưm gưl hriê čuă Việt Nam mơ̆ng hruê 31/7 – 3/8/2021.Aguah mbruê 1/8, ti sang bruă Khua lăn čar, Khua lăn čar Tô Lâm gĭt gai knăm drông Khua mil čhil Timor-Leste.

Gưl hriê čuă anei mơ̆ng Khua mil čhil Timor Leste mâo boh tŭ dưn yuôm bhăn đru bi kjăp klei đăo knang, mbĭt anăn jing wưng čiăng kơ dua tĭng lŏ dơ̆ng bi trông kơ hdră êlan bi mguôp, mtrŭn agha êlam hĭn klei mjĕ giăm dua tĭng, hluê anăn hyuă kjăp klei bi hgŭm mâo ksul mbŭ hlăm wưng êgao. Leh knăm tŭ drông, dua čô khua gĭt gai ba anăp êpul bi ala dua ala čar ngă klei blŭ hrăm, bi klă boh tŭ klei bi mguôp plah wah dua lăn čar hlăm wưng êgao leh anăn ba mdah dŭm hdră êlan bi mguôp hlăm wưng kơ anăp. Dua čô khua gĭt gai ăt ktuê dlăng knăm bi klă leh anăn bi mlih hră mơar bi mguôp plah wah dua ala čar.