Mbrue 11/6, ti Hà Nội, Bruă Đảng kahan ksiêm gưl dlông, Phŭn bruă kahan ksiêm mkŏ mjing leh jao bruă kơ khua phŭn bruă kahan ksiêm, plah wah Đại tướng Tô Lâm, Khua lăn čar Việt Nam hŏng Thượng tướng Lương Tam Quang, Khua phŭn bruă kahan ksiêm. Blŭ hrăm tinăn: Khua lăn čar Tô Lâm hơêč hmưi kơ Thượng tướng Lương Tam Quang đĭ păn ngă leh jing khua phŭn bruă kahan ksiêm; bi êdah anei jing klei Đảng, knŭk kna lehanăn mnuih ƀuôn sang đăo knang kơ Thượng tướng Lương Tam Quang hlăm jih jang bruă ngă, tui si klei kčah jao hlăm dŭm thŭn leh êgao.

Čiăng lŏ dưi mđĭ hĭn dŭm boh tŭ dưn leh mâo, ngă bi leh bruă čuăn răng mgang kjăp klei êđăp ênang lăn čar, klei êđăp ênang yang ƀuôn, Khua lăn čar Tô Lâm mñă hlăm wưng tinăp, kahan ksiêm lŏ mkŏ mjing kjăp jih jang bruă djŏ hŏng mta mtrŭn mơ̆ng Đảng, Knŭk kna kơ bruă răng mgang klei êđăp ênang, lŏ dơ̆ng čuê dŭm klei mĭn, klei gĭt gai, dŭm bruă khua lăn čar ngă leh, lŏ dơ̆ng kiă kriê, gĭt gai, hŏng mta kñăm ba wĭt klei tŭ dưn prŏng dŭm hdră mtrŭn mơ̆ng Đảng.