Blŭ hrăm klah čŭn ti mmông mă bruă, Khua lăn čar Tô Lâm bi mni kơ Phŭn bruă kiă kriê bruă knuă pral mâo ksiêm yap, hâo mdah jih jang bruă bi ktưn, pah mni, kyuanăn bruă čuăn kơ klei bi ktưn pah mni mâo lŏ tă hdră mrâo. Khua lăn čar lač, lăn čar drei hlăk đĭ kyar, klei tŭ dưn mâo lu mơh.

Mơ̆ng anăn bruă bi ktưn năng lŏ ksiêm bi mklă djŏ hŏng bruă mâo ngă sĭt. Tui si khua lăn čar, hŏng klei bhiăn, hdră mtrŭn leh mâo ƀiădah hlăm klei mă bruă adôk mâo lu klei gun kpăk, năng lŏ bi mlih lehanăn thiăm mbŏ. Lehanăn lŏ mtă hlăm bruă bi ktưn bei mâo nanao klei nao ksiêm, mđĭ ai kơ klei pah mni hŏng klei pral ya mta bruă mâo klei mĭn mrâo, pah mni bi djŏ mnuih djŏ bruă./.