Khua lăn čar Tô Lâm bi mklă hlăm klei bi kdơ̆ng, gang mkhư̆ klei ƀơ̆ng ngăn, bruă ksiêm dlăng phat kđi yang ƀuôn pral, jih hnơ̆ng ngă bruă hŏng dŭm anôk bruă djŏ tuôm, mjing klei bi mlih jăk hlăm klei thâo ƀuh leh anăn msir mgaih klei ƀơ̆ng ngăn. 

Dhar bruă bi hgŭm kjăp hŏng dŭm anôk bruă kčŭt hưn mđĭ pral bruă msir mgaih klei ngă soh, boh nik klei ƀơ̆ng ngăn, bruă duh mkra, klei ngă kjham, dleh ktuê dlăng, hlăm klei dưi Anôk bruă gĭt gai gưl dlông kơ hdră gang mkhư̆ klei ƀơ̆ng ngăn ktuê dlăng, mâo klei dleh kơ hnơ̆ng leh anăn bruă ngă, ka tuôm mâo; rơ̆ng msir mgaig bi jăk phung ngă soh, rơ̆ng klei djŏ klă. Khua lăn čar đăo knang, hlăm wưng kơ anăp, bruă phat kđi srăng lŏ dơ̆ng mâo klei đĭ kyar, kluôm ênŭm leh anăn ktang hĭn, đru mguôp yuôm bhăn hlăm bruă hlue ngă tŭ dư Hdră mtrŭn Klei bi kƀĭn tal XIII mơ̆ng Đảng, ngă hdră kñăm mkra mlih hdră bhiăn leh anăn mkŏ mjing bi leh knŭk kna yang ƀuôn ngă phŭn Việt Nam hlăm wưng mrâo.