Khua lăn čar Tô Lâm čih yap, bi mni kơ klei tŭ, boh tŭ mơ̆ng dŭm gưl ênuk knua druh, lĭng kahan mơ̆ng Êpul kahan răng mgang wăl adiê dưi mâo leh hlăm dŭm pluh thŭn êgao. Ñu mñă, Êpul kahan răng mgang wăl adiê jing êpul kahan mguôp hŏng klei đĭ kyar bruă duh mkra- ala ƀuôn mơ̆ng lăn čar. Kyua anăn êpul kahan brei gĭt gai leh anăn bi hgŭm hŏng dŭm êpul kahan mkăn ba yua klei kreh knhâo, kdrăp mrâo mđing kơ klei dưi hlăm wăl êngĭt adiê, wăl yuôm bhăn mơ̆ng čar kwar.

Ñu đăo knang hŏng hƀuê ênuk kdrưh koăm leh anăn knhuah gru yuôm bhăn mơ̆ng lĭng kahan yang ƀuôn Việt Nam jhŏng ktang, êpul kahan wăl adiê srăng bi leh jăk djăp bruă klam hlăm wưng mrâo, mâo klei tŭ jing prŏng prĭn hĭn, năng hŏng klei khăp mơ̆ng Đảng, Knŭk kna leh anăn mnuih ƀuôn sang.