­Hơêč hmưi kơ phung čih klei mrâo ƀri hruê Klei mrâo cách mạng Việt Nam, Khua lăn čar mñă ktang, dŭm gưl phung čih klei mrâo hdơr nanao kơ phung čih klei mrâo nao êlâo, phung đru mguôp yuôm bhăn kơ bruă klei mrâo cách mạng Việt Nam. Khua lăn čar hmăng hmưi phung čih klei mrâo nao êlâo mâo lu klei suaih pral, lŏ dơ̆ng bi lar ai tiê cách mạng leh anăn hŏng dŭm klei hriăm yuôm bhăn pô đru mguôp lu hĭn kơ bruă klei mrâo ala čar, mbĭt anăn lŏ dơ̆ng mtô mjuăt knhuah gru bruă klei mrâo cách mạng kơ phung mda asei hluê hriăm, tui ngă, gĭr ktưn kpưn đĭ.

Phung čih klei mrâo nao êlâo mgei ai tiê leh anăn ktưn hưn mâo Khua lăn čar nao čuă, êmuh kña, mđĭ ai, mbĭt anăn hơ̆k mơak ti anăp klei đĭ kyar ktang phĭt mơ̆ng lăn čar. Phung čih klei mrâo mñă klă srăng lŏ dơ̆ng bi lar knhuah gru klei mrâo cách mạng, nao hgŭm mtô mjuăt phung mda asei hur har đru mguôp hlăm klei đĭ kyar lăn čar.