Ƀuôn hgŭm Cửa Đông mâo êbeh 2 êbâo gŏ êsei mnuih ƀuôn sang hŏng êbeh 10 êbâo čô mnuih, mâo 07 êpul anôk dôk. Ƀuôn hgŭm jing anôk mnuih lu. Kluôm ƀuôn hgŭm mâo êbeh 400 anôk bruă, phung duh mkra, êpul êya lĭng kahan. Anei jing sa klei lông dlăng prŏng hŏng bruă răng mgang klei êđăp ênang hlăm kluôm ƀuôn hgŭm.

Dŭm thŭn êgao, Êpul kiă kriê bruă jih jang mnuih ƀuôn sang răng mgang klei êđăp ênang lŏ dơ̆ng mâo lu bruă ngă, msĕ si: Êpul bi hgŭm bi kdơ̆ng hŏng phung ngă soh, bruă “Gŏ sang čŏng răng mgang - grăp boh sang čŏng răng mgang”... bi iêo jak jih jang mnuih ƀuôn sang nao bi đrugang mkhư̆ bi kdơ̆ng hŏng phung ngă soh, răng mgang kjăp klei êđăp ênang kđi čar, lehanăn yang ƀuôn. Blŭ hrăm ti anôk bi kƀĭn, Khua lăn čar Tô Lâm mtă kơ dŭm gưl bruă Đảng, bruă sang čư̆ êa djăp gưl ti ƀuôn prŏng Hà Nội lŏ dơ̆ng ngă bi tŭ jing jih jang dŭm hdră êlan kiă kriê bruă jih jang mnuih ƀuôn sang bi răng mgang klei êđăp ênang, mkŏ mjing klei bi ktưn mâo Đảng, Knŭk kna lehanăn dŭm anôk bruă, Mặt trận, lehanăn êpul êya mkŏ mjing ba leh klei jăk lar bra hlăm klei hdĭp mnuih ƀuôn sang./.