VOV4.Êđê- Tlam mbruê 30/8, ti sang bruă Khua lăn čar, Khua lăn čar Nguyễn Xuân Phúc tŭ drông leh êpul phung tuê mơ̆ng ala tač êngao nao hlăm klei kƀĭn Êpul gru kal krah Việt Nam mơ̆ng Jagannath Chapagain, Khua kiă kriê Êpul hru bi kal hrah – mlan wat mniă hrah tar rŏng lăn ba anăp. Khua lăn čar Nguyễn Xuân Phúc bi mni kơ Jagannath Chapagain leh anăn phung bi ala tar rŏng lăn nao hgŭm hlăm klei kƀĭn prŏng gưl tal 11 Êpul hru bi kal hrah Việt Nam.

Khua lăn čar yap yuôm bhăn Êpul hgŭm, Dhar bruă gru bi kal hrah tar rŏng lăn leh anăn phung bĭng hgŭm tar rŏng lăn, mâo leh klei đru hur har, mâo boh tŭ dưn hŏng Êpul gru bi kal hrah Việt Nam leh anăn mnuih ƀuôn sang Việt Nam, boh nik hŏng phung ênưih kpĕ êka, phung tŭ klei hmăi amâo mâo mơ̆ng klei bi blah, klei truh yan adiê, klei ruă tưp mrâo êgao. Khua lăn čar Nguyễn Xuân Phúc brei thâo, Việt Nam tŭ klei hmăi kjham mơ̆ng klei mlih yan adiê, kyuanăn hmăng hmưi Êpul hgŭm leh anăn ƀĭng hgŭm tar rŏng lăn lŏ dơ̆ng đru kơ Việt Nam, kñăm đru kơ mnuih ƀuôn sang bi hrŏ klei hmăi, mbĭt anăn hluê ngă dŭm mta kñăm răng mgang wăl hdĭp mda, bi hrŏ djah djâo ksu.

Pô mblang: Y-Ƀel Êban