VOV4.Êđê- Khua lăn čar Nguyễn Xuân Phúc mrâo mâo mmông tŭ drông pô bi ala brei kơ Việt Nam ti Switz Philipp Rosler mbĭt hŏng êpul dŭm knơ̆ng bruă Switz hriê čuă ala čar Việt Nam, duah klei găl bi mguôp čiăng mtrŭt mđĭ klei mnia mblei, duh bi liê plah wah Việt Nam hŏng 2 ala čar Alêmăng leh anăn Switz.

Khua lăn čar hmăng hmưi Philipp Rosler lŏ dơ̆ng sa ai leh anăn mtrŭt mđĭ klei mjĕ giăm ƀĭng hgŭm hdră êlan Việt Nam – Alêmăng, klei mjĕ giăm bi mguôp plah wah Việt Nam – Switz, mtrŭt mjhar dŭm knơ̆ng bruă Alêmăng, Switz leh anăn Ơrôp mđĭ hĭn bruă duh bi liê ti Việt Nam, boh nik hlăm dŭm mta bruă mlih mrâo leh anăn kdrăp mrâo mrang. Khua lăn čar ăt hmăng hmưi Philipp Rosler mâo bruă ngă leh anăn mtrŭt mjhar Switz hnưm bi klă klei kuôl kă mnia mblei êngiê plah wah Việt Nam leh anăn êpul EFTA.

Pô mblang: Y-Ƀel Êban