Khua lăn čar Võ Văn Thưởng bi klă klei kuôl kă bi đru kơ hdră bhiăn kčŭt hưn klei ngă soh plah wah ala čar yang ƀuôn ngă phŭn Việt Nam leh anăn ala čar Argentina
Thứ năm, 10:08, 26/10/2023
VOV Tây Nguyên
VOV Tây Nguyên
VOV4.Êđê- Khua lăn čar Võ Văn Thưởng mrâo bi klă klei kuôl kă bi đru kơ hdră bhiăn kčŭt hưn klei ngă soh plah wah ala čar yang ƀuôn ngă phŭn Việt Nam leh anăn ala čar Argentina hluê si klei mñă mơ̆ng knŭk kna hlăm hră hưn mdah mrô 523 hruê 09/10/2023.
Klei kuôl kă anei srăng đru mtrŭt mđĭ klei mjĕ giăm bi mguôp kluôm dhuôm plah wah 2 ala čar lŏ dơ̆ng đĭ kyar leh anăn ba wĭt lu boh tŭ dưn hlăm lu mta bruă.
Anei jing tur knơ̆ng hdră bhiăn klă anăp, kluôm ênŭm, yuôm bhăn čiăng kơ dŭm anôk bruă hluê ngă klei bhiăn 2 ala čar, bi mguôp ksiêm duah, duah mă mnơ̆ng bi klă, ngă dŭm klei kčŭt hưn kñăm mgaih msir dŭm klei kčŭt hưn klei ngă soh, bi djăp ênŭm hnơ̆ng čuăn boh tŭ dưn hlăm bruă gang mkhư̆, bi kdơ̆ng hŏng phung ngă soh, răng mgang jăk hĭn boh tŭ dưn djŏ hŏng hdră bhiăn mơ̆ng mnuih ƀuôn sang grăp ala čar.
Viết bình luận