Hlăm anôk bi trông, Khua lăn čar Võ Văn Thưởng hưn hŏng dŭm anôk bruă duh mkra leh anăn phung duh bi liê Mi kơ dŭm hdră êlan leh anăn hdră tă mơ̆ng Việt Nam hlăm klei mđĭ kyar bruă duh mkra; mñă klă, lu thŭn êgao, Mi jing ƀĭng hgŭm mnia blei yuôm bhăn mơ̆ng Việt Nam. Khua lăn čar mñă klă, bruă dua ala čar mđĭ klei bi hgŭm jing jar Ƀĭng hgŭm kluôm jing klei găl prŏng kơ dŭm anôk bruă duh mkra Mi mđĭ klei bi hgŭm hŏng dŭm anôk bruă duh mkra leh anăn boh nik jing dŭm alŭ wăl mơ̆ng Việt Nam.

Kơ dŭm bruă adôk jing klei gun kpăk hlăm klei bi hgŭm dua ala čar, Khua lăn čar Võ Văn Thưởng čang hmăng dŭm anôk bruă duh mkra Mi mâo klei blŭ čiăng kơ Knŭk kna Mi hnưm bi mklă klei bhiăn bruă duh mkra mơ̆ng Việt Nam; hnưm ba Việt nam kbiă mơ̆ng anăn mkhư̆ đru  chất bán dẫn čiăng mjing klei găl kơ dŭm hdră, hră bi hgŭm plah wah dua tĭng.