Ti knăm anei, dua tĭng h’êč hmưi kơ dŭm boh tŭ grăp Đảng, grăp ala čar dưi mâo hlăm hdrămkŏ mkra yang ƀuôn ngă phŭn, ba wĭt klei hdĭp trei mđao, yâo m’ak kơ mnuih ƀuôn sang. Khua lăn čar Võ Văn Thưởng mñă, mđĭ kyar klei bi mjĕ hŏng China jing klei hrŏng ruah phŭn, klei mđing mrô sa hlăm hdră mtrŭn hŏng tač êngao mơ̆ng Việt Nam.

Khua gĭt gai Tập Cận Bình mñă, China dlăng Việt Nam jing klei mđing tal êlâo hlăm hdră mtrŭn hŏng tač êngao mơ̆ng China. Mñă klă klei yuôm bhăn mơ̆ng bruă mđĭ klei thâo săng, đăo knang mơ̆ng mnuih ƀuôn sang dua ala čar, dua khua kiă kriê, mtă kơ dua tĭng mđĭ klei bi mjĕ mjuk mnuih ƀuôn sang dua ala čar, boh nik ênuk gưl hđeh, mđĭ hdră mtô mblang kơ knhuah gru bi mjĕ jăk siam dua ala čar. Ăt hlăm hruê, Khua knŭk kna Phạm Minh Chính, Khua bruă kƀĭn ala Vương Đình Huệ bi trông leh hŏng Khua gĭt gai China Tập Cận Bình.