Hlăm klei bi trông, hlăm ai êwa bi hgŭm, siă suôr leh anăn đăo knang, Khua lăn čar Võ Văn Thưởng leh anăn khua knŭk kna Kishida lŏ ksiêm dlăng klei bi hgŭm dua ala čar hlăm 50 thŭn êgao leh anăn bi êdah klei nao ai kơ klei đĭ kyar ktang, kluôm, klă sĭt hlăm dŭm mta bruă.

Mơ̆ng jar klei bi hgŭm mrâo, dua khua gĭt gai lŏ dơ̆ng pŏk ngă tŭ dưn klei bhiăn bi hgŭm mâo leh plah wah dŭm phŭn, dhar bruă dua ala čar leh anăn mđĭ mkŏ mjing klei bhiăn bi hgŭm mrâo, mđĭ bi hgŭm klă sĭt, tŭ dưn hlăm bruă lĭng kahan mơ̆ng tur knơ̆ng klei hưn mdah hnơ̆ng trah dlăng mbĭt kơ klei bi hgŭm lĭng kahan Việt Nam-Japon. Kơ bruă duh mkra, dua khua gĭt gai bi tŭ ư lŏ dơ̆ng mđĭ klei bi hgŭm bruă duh mkra plah wah dua ala čar, mđĭ klei bi hgŭm čiăng rơ̆ng kơ klei êđăp ênang bruă duh mkra leh anăn pŏk mlar klei bi hgŭm hlăm bruă mrâo msĕ si mlih mrâo mbruă, jao kdrăp mrâo, mlih mrô…