Leh knăm drông kdrăm k’ah Khua mil čhil Alemang, tlam mbrue (23/01), ti Anôk bruă khua lăn čar, Khua lăn čar Võ Văn Thưởng mâo leh klei bi trông hŏng khua mil čhil Alemang. Tinăn, dua čô khua kiă kriê, bi trông kơ hdră êlan prŏng klei bi mguôp kluôm dhuôm Việt Nam-Alemang, lehanăn bi mĭn kơ dŭm bruă hlăm alŭ wăl, lehanăn tar rŏng lăn.

Dua nah mâo leh klei bi tŭ ư hlăm dŭm bruă răng mgang klei êđăp ênang, bruă lĭng kahan, bruă kreh knhâo, bruă hdră bhiăn, bruă lŏ hma, lehanăn bruă bi mguôp dhar kreh, mơ̆ng anăn mđĭ hĭn klei bi thâo săng lehanăn klei hgŭm mnuih ƀuôn sang dua ala čar, mprăp kơ klei bi hdơr 50 thŭn hrue mkŏ mjing klei mjĕ mgiăm hgŭm mbĭt Việt Nam – Alemang hlăm thŭn 2025.