Blŭ hlăm mmông bi tuôm, bi ala kơ khua gĭt gai Đảng, knŭk kna, Khua lăn čar Võ Văn Thưởng bi êdah klei hơ̆k mơak, hơêč hmưi kơ phung knuă druh, phung nai mtô, phung bi lông mâo boh tŭ kdlưn hĭn hlăm Sea Games 32.

Anei jing gưl Sea Games tŭ jing mơ̆ng Việt Nam hŏng gưl tal êlâo Việt Nam dôk mrô 1 kluôm êpul, blă leh 12 klei kdlưn hĭn, mkŏ mjing 4 klei kdlưn hĭn hlăm Sea Games, ba wĭt klei hing ang kơ êpul leh anăn kơ ala Čar. Čiăng dưi rơ̆ng dŭm boh tŭ dưn anăn, Khua lăn čar Võ Văn Thưởng mtă kơ dŭm Phŭn, dhar bruă, alŭ wăl lŏ dơ̆ng mtô mjuăt, bi hriăm phung bi lông, mâo hdră êlan iêo mthưr grăp ai dưi čiăng kơ bruă mjuăt ktang asei mlei Việt Nam nao djŏ êlan, nao kbưi hĭn, dlông hĭn.