Knăm anei dưi mkŏ mjing kñăm mđing truh bi hdơr 20 thŭn hruê mkŏ mjing ƀuôn prŏng Cần Thơ (01/01/2004 – 01/01/2024). Phung dưi bi mni gưl anei jing dŭm gru mngač êdah êdi mâo ruah mơ̆ng gưl nah gŭ truh kơ ƀuôn prŏng, bi ala kơ jih dhar bruă lehanăn yang ƀuôn, mâo lu klei đru mguôp hlăm hdră mđĭ kyar bruă duh mkra – ala ƀuôn Cần Thơ hluê wưng.

Khua lăn čar Võ Văn Thưởng mtă, hlăm hdră mđĭ kyar, Cần Thơ brei dlăng mnuih ƀuôn sang jing phŭn. Bruă Đảng, sang čư̆ êa dŭm gưl brei msir mghaih jih klei dleh dlan, gun kpăk kơ mnuih ƀuôn sang. Kyua “Mta kñăm klei đĭ kyar jing ba wĭt klei yâo m’ak kơ mnuih ƀuôn sang”. Mbĭt anăn, mtrŭt mđĭ hĭn hdră bi ktưn khăp kơ ala čar, mơ̆ng anăn čiăng lŏ mâo lu gru mngač êdah êdi hĭn, đru mguôp lu hĭn kơ hdră mđĭ kyar ƀuôn prŏng hlăm wưng ti anăp./.