Truh kơ ară anei, kluôm čar Vĩnh Long mâo 16 êbâo čô lĭng kahan djiê êngiă, 4500 čô kahan êka leh anăn ruă duam, giăm 3 êbâo phung amĭ Việt Nam jhŏng ktang. Khua lăn čar hmăng hmưi phung mâo bruă tŭ dưn čar Vĩnh Long lŏ dơ̆ng bi lar knhuah gru hing ang alŭ wăl, lŏ dơ̆ng đru mguôp hlăm bruă mđĭ kyar ƀuôn sang Vĩnh Long jhŏng ktang.

Blŭ hrăm hlăm mmông bi tuôm, Khua lăn čar pah mni kơ phung mâo bruă tŭ dưn leh anăn gŏ sang dưi găn hgao klei ruă duam, klei dleh dlan, bi lar klei mĭn gĭr ktưn, kpưn đĭ hlăm klei hdĭp, mkŏ mjing klei hdĭp dhar kreh hlăm alŭ wăl. Khădah phung bi ala khua thŭn leh, asei awăt, ƀiădah ăt hur har đru mguôp kơ ƀuôn sang, lăn čar, mtô mjuăt bi hriăm phung mda asei. Khua lăn čar hmăng hmưi ai tiê anei srăng dưi kriê pioh, bi lar hlăm jih jang phung mâo bruă tŭ dưn, đru mkŏ mjing ƀuôn sang, lăn čar ƀrư̆ mdrŏng siam.