Khua lăn čar yap yuôm bhăn phung bi ala ƀuôn prŏng bi êdah leh dŭm klei mrâo, kčưm mơ̆ng bruă klam, ai tiê leh anăn năng hŏng klei đĭ kyar ƀuôn prŏng leh anăn lăn čar. Hlăm mmông tŭ drông, phung bi ala bi klă bruă Kƀĭn ala mâo klei kƀĭn tŭ jăk, iêo jak lu klei mđing mơ̆ng mnuih ƀuôn sang, hlăm anăn mâo klei đru mguôp mơ̆ng Êpul bi ala bruă kƀĭn ala ƀuôn prŏng Đà Nẵng.

Phung bi ala hưn mdah đa đa boh klei srăng mđing tal êlâo ară anei jing mtrŭt mđĭ klei hâo hưn dŭm hdră êlan leh anăn dŭm boh tŭ dưn yang ƀuôn, lŏ dơ̆ng mñă kơ Đảng, knŭk kna mtrŭt mđĭ bruă gang mkhư̆ klei ƀơ̆ng ngăn, klei amâo mâo djŏ, luč liê mang, dŭm klei kpăk gun hlăm bruă lông ngă dŭm hdră êlan ti ƀuôn prŏng Đà Nẵng…Êlâo kơnăn, hlăm wưng hruê Gŏ sang Việt Nam 28/6, Khua lăn čar Võ Văn Thưởng nao čuă leh gŏ sang nai mtô Nguyễn Trọng Hoàng.