Bi trông kơ mta phŭn mâo lu phung bi ala bi êdah jing bruă gang mkhư̆ klei ƀơ̆ng ngăn, Khua lăn čar mñă klă, Đảng srăng lŏ dơ̆ng mtrŭt mđĭ bruă gang mkhư̆ klei ƀơ̆ng ngăn, klei amâo mâo djŏ, khut khat, ƀuah mkra ktang phĭt phung knuă druh ƀơ̆ng ngăn, ngă amâo mâo djŏ hŏng ai tiê jing amâo mâo anôk kăm ghă. Anăp anei srăng mâo dŭm klei ngă soh ƀơ̆ng ngăn srăng ba phat mkra.

Hlăm mmông bi tuôm, phung bi ala ăt lač kơ dŭm boh klei mkăn msĕ si bi klă bruă lông mkŏ mjing bruă sang čư êa mơ̆ng ƀuôn prŏng Đà Nẵng, ruh mgaih klei dleh dlan kơ knơ̆ng bruă, bruă rông mnơ̆ng dôk tuôm hŏng klei dleh dlan kyua dôk jưh knang kơ mnơ̆ng ƀơ̆ng mơ̆ng tač êngao, phung ngă soh yua kdrăp mrâo mrang đĭ ktang, klei bi kdơ̆ng hŏng phung ngă bruă knŭk kna ƀrư̆ hruê ƀrư̆ lu, kơ boh klei matui leh anăn klei bi čăm hlăm sang hră mơar. Nguyễn Văn Quảng, Khua bruă Đảng čar, Khua êpul bi ala bruă kƀĭn ala ƀuôn prŏng Đà Nẵng ăt hlăk mblang leh dŭm mta phŭn anei hŏng phung bi ala.