Klei bi tuôm dưi mkŏ mjing hlăm wưng phung bi ala nao hlăm Bi mni kơ phung mâo klei bi hmô mơ̆ng phŭn bruă kahan ksiêm mkŏ mjing leh anăn sa ai hŏng mlan ngă bruă gang mkhư̆ ma tŭi (mlan 6/2023). Blŭ hlăm mmông bi tuôm, Khua lăn čar pah mni dŭm klei gĭr, dŭm bruă tŭ dưn, klei kdưn hĭn mơ̆ng dŭm êpul êya dưi mâo hlăm wưng êgao, boh nik jing 140 êpul êya, grăp čô êdah êdi, mnuih ƀuôn sang mâo lu klei bi mguôp hlăm bruă gang mkhư̆ ma tŭi.

Khua lăn čar lač, anei jing dŭm gru mngač, jing kmeh gơ̆ng ngă kơ bruă gang mkhư̆ ma tuĭ ƀrư̆ hruê ƀrư̆ tŭ dưn hĭn. Khua lăn čar hmăng hmưi srăng mâo lu hĭn mnuih ƀuôn sang nao hgŭm bi mguôp hŏng dŭm êpul êya djŏ tuôm, hriăm mbĭt “Kyua sa yang ƀuôn amâo mâo mă tŭi”, đru kơ phung tuôm lĕ hlăm klei soh dưi wĭt ñŭ kma hŏng yang ƀuôn.